Ինքնաճանաչման ուղի, ձեռագրաբանության վերլուծություն. Մարիամ Մեհրաբյան

«Լիբերալ քաղաքականության դպրոց»-ում այսօր բանախոսությամբ հանդես եկավ հոգեբանական գիտությունների թեկնածու, դոցենտ Մարիամ Մեհրաբյանը։

Բանախոսության թեման էր «Ինքնաճանաչման ուղի, ձեռագրաբանության վերլուծություն»։

Բանախոսության ընթացքում բանախոսը մասնակիցներին նախևառաջ ներկայացրեց, թե ինչ է ձեռագիրը։ Ձեռագիր ասվածի տակ, ինչպես նշում է բանախոսը, մենք կարող ենք հասկանալ հետևյալը.

• Մտածելակերպ,
• Անհատականության արտահայտում,
• Մարդկանց հաղորդակցության միջոց,
• Ներքին ֆունկցիաների արտաքին ռեակցիա և այլն:

Ինչպես նշում է Տիկին Մեհրաբյանը՝ ձեռագրի մենակաբանությունը հնարավորություն է տալիս կատարել հավանական եզրակացություններ։ Բանախոսն ընդգծում է, որ ձեռագրի շնորհիվ ուսումնասիրողը կարող է պարզել մարդու բնավորությունը, հոգեվիճակը և անհատական առանձնահատկությունները։

Ողջ բանախոսության ընթացքում մասնակիցները վարժություն իրականացնելու միջոցով կարողացան բանախոսի հետ միասին պարզել, թե ինչ առանձնահատկություններ ունի իրենց իսկ ձեռագիրը, և թե ինչ է այն իրենց մասին պատմում։